e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Liver, Peter
* 21-8-1902 a Flearda, † 10-9-1994 ad Ittigen/BE, ref., da Flearda. Figl da Johann, pur, e d'Ottilia n. Feltscher, da Masagn. ∞ Gertrud n. Fankhauser, figlia da Fritz, scolast a Trubschachen/BE. Studis d'istorgia a Jena, Berlin e Turitg e da dretg a Berna, dr.fil. 1928 («Vom Feudalismus zur Demokratie in den graubündnerischen Hinterrheintälern»), dr.iur. 1931 («Rechtsgeschichte der Landschaft Rheinwald»). Advocat e publicist a Flearda, president cirq. e deputà lib. en il Cussegl grond 1933-35, cuss. guv. 1936-40 (pres. 1937; Dep. da l'intern e da l'economia publica). L. è sa retratg da la politica per occupar las catedras da dretg a la SPF da Turitg (1939-44) e d'istorgia dal dretg e da dretg real a l'Univ. da Berna (1944-71). Spezialist dal dretg da las auas, autur da numerus projects da lescha sin ils plauns fed. e chant. sco era da bleras lavurs da basa davart temas istorics e giuridics. L. ha era marcà l'interpretaziun (relativada entant) da l'istorgia grischuna dal temp medieval tardiv sco process transitoric "dal feudalissem a la democrazia". Premi grischun da cultura 1978. Comm. d'onur da la Societad istorica dal Grischun.
Ovras:
Die Walser in Graubünden, 1942; Die Bündner Gemeinde, 1946; Die Dienstbarkeiten und Grundlasten, 1980³ (ens. cun M. Baumann); Die Walser und Romanen in Graubünden, 1955; Abhandlungen zur schweizerischen und bündnerischen Rechtsgeschichte, 1970; Rechtsgeschichtliche Aufsätze, 1982.
Litteratura:
P. Metz, Albumblatt für einen Jubilaren, en: BJb, 1982, 44-51; HbBG 4, 249 s.
Jürg Simonett
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| | |
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Liver, Anton