e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Livign Lombris [de Lumerins], Hans  Loë, Clement (barun de) * 19-6-1836 a Laer (Nordrhein-Westfalen), † 27-2-1892 ad Annemasse (Savoia), burgais franzos. Rittmeister en l'armada austriaca. L. passentava regularmain sias vacanzas en il Grischun. Ils 29-11-1884 ha el legà al Chantun sia facultad da ca. 620'000 frs (valuta dal temp) per fundar in ospital per malsauns basegnus. La Regenza grischuna vuleva investir quests daners en la construcziun d'ina clinica psichiatrica, provocond qua tras lungas dispitas cun il fautur. Il 1892 han ins alura pudì avrir la clinica Waldhaus a Cuira. Glion, Tartar e Cuira vulevan dar a L. il dretg da burgais d'onur, ma la Regenza n'ha betg aderì a quest giavisch. La via d'access al Waldhaus a Cuira è vegnida numnada tenor il fautur (Loëstrasse). Inscripziun sepulcrala: "[...] Bienfaiteur de la Ville d'Annemasse et du Canton des Grisons". Litteratura: Bü. Kal., 1890; G. Bener, Persönliche Erinnerungen [...], en: Rätia, 1941/42, nr 4, 197-204; Äskulap in Graubünden, 295; J.-C.Cantieni, Baron Clément de L., 1836-1892, 2001. Max Hilfiker  Livign Lombris [de Lumerins], Hans  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: