e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Buchli, Jakob Bühler, Anna Maria  Buchs Vischnanca. polit. SG, distr. Werdenberg. 765 de Pogio, 1213 Buchs. Impurtant center d'economia e da traffic en la part sura da la Val dal Rain Songagliaisa. Chats d'objects dad ossa dal temp neolitic en vischinanza da Sonnenbüel. Tenor ils numerus toponims rum. ha B. appartegnì fin a l'immigraziun dals Alemanns (8.-12. tsch.) al territori linguistic rum. incorporà a la Rezia. En il temp medieval era B. en possess dals conts de Werdenberg ch'han stuì ceder lur pussanza suenter il 1400. Il domini è passà a la fam. parentada von Montfort-Tettnang ch'ha exercità ils dretgs feudals fin il 1481. Il 1517 ha Glaruna cumprà il vegl contadi da Werdenberg. En il 9. tsch. è attestada ina baselgia consecrada a s. Gieri. La baselgia da S. Martin datescha d'avant il 1484. Avant l'industrialisaziun predominava l'agricultura a B. Litteratura: V. Vincenz, Die romanischen Ortsnamen von B. und Sevelen, 1983. Valentin Vincenz  Buchli, Jakob Bühler, Anna Maria  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: