e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Löwenstein, von Lozza Pasquier, Erica  Lozza, Alexander * 27-6-1880 (Constantin) a Murmarera, † 13-2-1953 a Casti, cat., da Murmarera. Figl da Duri, pur, e da Lucrezia n. Florinetti. Cun 15 onns è L. vegnì tramess en ina scola claustrala a Genua, nua ch'el è entrà il 1897 en la claustra da chaputschins; ordinà sacerdot 1902. Sco pader chaputschin da la Missiun retica è el turnà il 1906 en il Grischun ed è stà plevon a Tumegl a partir dal 1908 ed a Salouf 1919-49. Dal 1919-36 ha el era custodià la baselgia da pelegrinadi a Ziteil. A Genua ha L. scrit emprimas poesias en talian. El ha cumenzà pir cun 50 onns, intimà da pliras varts, a scriver en surm., daventond in exponent impurtant da la Renaschientscha rum. en Surmeir. L. ha publitgà sias poesias religiusas, patrioticas, satiricas ed umoristicas sco era ses raquints l'emprim en chalenders e revistas (p.ex. «Igl noss Sulom», «Ischi», «Annalas»). Il 1951 è cumparida sia collecziun «Ziteil. Flours segls ours da la veia», il 1954 ha el publitgà sias «Poesias» ed il 1961 sias «Novellas». Div. poesias èn vegnidas messas en musica («Return» e «La baselgia viglia da Lantsch» tras Ernst Broechin; «Oraziung d'ena pelegrigna» tras Ludwig Heinrichs). Chatschader legendar. Archiv: ASL, relasch. Ovras: Pader Alexander L., 1880-1953, edì da F. Capeder e.a., 1980. Litteratura: Bedeutende Bündner 2, 545-49; Bezzola, Litteratura, 554 s., 624-36; Deplazes, Funtaunas 3; LTS, 1134 s. Lucia Walther, Adolf Collenberg  Löwenstein, von Lozza Pasquier, Erica  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: