Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Luck, GeorgLucmagn, Pass dal lemma sequent

Luck, Georg Peter
* 20-4-1920 a Wald/ZH, † 20-12-1995 a Turitg, da S. Antönia Ascharina. Figl da Georg e dad Anna n. Däscher. ∞ Jakobina n. Zinsli. Seminari scolastic ad Aschera. Furmaziun al magister da dissegn a la Scola gen. professiunala a Basilea 1941-45. Magister da dissegn a Wintertur 1950-53. Alura sesent a Claustra, a partir dal 1961 pictur e graficher independent. Sia ovra artistica cumpiglia ina gronda varietad stilistica che va dad aquarels expressivs cun motivs da cuntradas sur cumposiziuns abstractas fin a maletgs cun figuras variads. Autur da numerus maletgs da paraid e d'illustraziuns da cudeschs. En «Der Atomheimer Altar» (1989) accumpogna L. agens maletgs cun texts lirics e sociocritics. 


Litteratura:
LZSK, 223 s.; Künstlerverzeichnis der Schweiz 1980-1990, 1991, 284; G. P. L., catalog d'expos. Galaria Iris Wazzau, Tavau, 1991; C. Gerber, Georg Peter L. - Universum im Dorf, en: BJb, 1996, 1-5; BLSK 2, 655.

Leza Dosch

lemma precedents Luck, GeorgLucmagn, Pass dal lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: