e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Luzzi, Robert Macholino [Macolin], Giovanni Baptista  Macdonald, Alexandre * 17-11-1765 a Sedan (Ardenne), † 25-9-1840 a Courcelles (Centre/F). Oriund d'ina fam. da giacubits scots. General franz. 1793, divisiunari 1796, guvernatur da Roma 1798. A l'entsch. dal 1799 ha M. conquistà Napel, ma il zercl. 1799 ha el subì ina sconfitta cunter Alexander Suvorov a Trebbia (Emilia-Romagna). L'entsch. da dec. 1800 è M. vegnì en in stemprà da naiv cun translocar sias truppas d'artigliaria (ca. 12'000 umens) sur il Pass dal Spleia a Clavenna; el ha pers passa 100 schuldads cun chavals e material ed ha subì sez fermas schelentadas. Suenter campagnas militaras victoriusas en l'Austria è M. vegnì numnà da Napoleun a Wagram marschal da la Frantscha (fan. 1809) e duca da Trento (dec. 1809). Il 1812 è M. stà cumandant en Catalugna ed en Russia (Riga), l'avust 1813 è el vegnì battì dal marschal Gebhard Leberecht von Blücher a Katzbach (Liegnitz/Prussia, oz Legnica/Pologna). Il 1815 è el s'allià cun ils Burbons. Litteratura: A. Walther, General M.s Marsch über den Splügenpass [...], en: Neue militärische Blätter, zercl. 1891. Max Hilfiker  Luzzi, Robert Macholino [Macolin], Giovanni Baptista  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: