Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Maranta, EdgarMarca, Antonio a lemma sequent

Marca, a
Famiglia patriziana da Mesocco, attestada en quest vitg gia il 1365 ed il 1391 ed anc adina existenta. Divers da ses exponents han giugà rollas impurtantas en la vita publica dal Mesauc e da las Trais Lias ed èn stads uffiziers mercenaris en servetsch da la Frantscha (p.ex. Antonio) e da Vaniescha, spirituals, notars publics, commerziants, banchiers ed emigrants. La fam. è s'acquistada ina facultad considerabla surtut tras il commerzi da laina e da muvel. Il 1583 han Giovanni († ca. 1602), colonel en servetsch da Vaniescha, e ses frar Nicolao († ca. 1607), podestat en Vuclina, envidà l'archuvestg da Milaun, Carlo Borromeo, da visitar il Mesauc. La fam. ha mess trais guvernaturs en Vuclina: Carlo, suandà da ses figl Giuseppe Maria e da Clemente Maria, l'ultim guvernatur grischun en Vuclina (1797). Gia en il 16. tsch. occupavan però ils M. l'uffizi dal cumissari a Clavenna e quel dal podestat a Plür, Tiraun (p.ex. Carlo Domenico), Tegl, Traona e Murbegn; auters represchentants da la fam. èn stads chaus da la LG (p.ex. Carlo) e comm. da la Regenza grischuna suenter il 1803 e derschaders en las instanzas chant. supremas (Carlo Corradino, Giovanni Antonio). Giuseppe è stà in dals emprims deputads grischuns en il Cussegl dals chantuns (1849). Liada tras maridaglia cun las fam. principalas dal Mesauc, sa divida la fam. en plirs roms: quels da Mesocco, da Soazza-S. Vittore, da Leggia, da Milaun-Clavenna e da Berna. L'impurtant e respectabel archiv da fam. è sa constituì il 1981 en ina fundaziun publica. A Mesocco, Soazza, Leggia e S. Vittore existan anc chasas patrizianas en possess da la famiglia.


Archiv:
Afam., Mesocco.

Litteratura:
E. Fiorina, Note genealogiche della famiglia a M. di Val Mesolcina [Svizzera], 1924; Schweizerisches Geschlechterbuch 6, 7-16; Marca/Santi, Iconografia; M. a Marca, C. Santi, Il diario del Governatore Clemente Maria a M. 1792-1819, 1999; C. Santi, Famiglie originarie del Moesano o ivi immigrate, 2001.

Cesare Santi

lemma precedents Maranta, EdgarMarca, Antonio a lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :