e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Martina Martinengo, Albertus  Martinengo Antica e nobla schlatta da Brescha, derasada lung il curs da l'Oglio en l'uschen. Bassa Bresciana, cun chastels-fortezza e residenzas da stad. Ina part da la fam. ha adoptà enturn il 1550 la cretta ref. ed ha stuì fugir da l'Inquisiziun rom. en Vuclina, nua ch'i regiva libertad confessiunala. Pervia dal renum e da la posiziun politica e sociala dals M. han lur midada da cretta e persecuziuns fatg sensaziun da Brescha fin a Vaniescha; ins ha demussà grond respect per la fam. che aveva desistì, per amur da la cretta, a possess e pussanza. Laurentius M. è stà l'emprim predicatur ref. a Stampa, activ dal 1549 fin a sia mort il 1586. Ses contemporans e successurs sco preditgants en Bergiaglia e Vuclina èn stads Albertus, Massimiliano Celso ed Ulisse. Archiv: ASGR, actas dal pajais. Litteratura: Truog, Evangelische Pfarrer, 1935, 217, 266, 269; Bundi, Beziehungen, 152-54, 223, 241-44; Bonorand, Reformatorische Emigration. Martin Bundi  Martina Martinengo, Albertus  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: