Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents MaissenMaissen, Augustin lemma sequent

Maissen, Alfons
* 29-3-1905 a Glion, † 5-6-2003 a Cuira, cat., da Sumvitg. Figl dad Augustin, fabricant da laina, e dad Anna n. Cahannes, da Breil. Frar da Flurin e dad Augustin. ∞ Lelja n. Tasch, da la Croazia. Seminari scolastic a Cuira, mag. a Dardin a partir dal 1925, mag. secundar a Glion a partir dal 1936. Studis da musica e chant a Friburg e Genevra (tr.a. tar Abbé Joseph Bovet ed Otto Barblan) e da romanistica a Turitg, dr.fil. 1943 («Werkzeuge und Arbeitsmethoden des Holzhandwerks in Romanisch Bünden»). Magister da tud., rum. e tal. al Seminari scolastic a Cuira 1946-70. Folclorist rum., filolog (collavuratur dal «DRG»), translatur (dal tal. «Las aventuras de Pignoc» il 1956, dal croat «Clapitsch» il 1981), biograf, redactur da la revista «Igl Ischi» 1962-72 e collavuratur/redactur dal «Radioscola» 1956-81. Perscrutader e rimnader instancabel d'objects surtut da la cultura materiala da la Surselva: ca. 7'000 objects da sia collecziun furman la basa dal Museum regiunal Surselva a Glion, inizià dad el il 1978 ed avert il 1988. Dasperas ha el realisà ens. cun Batholomé Schocher plirs films curts davart la lavur artisanala (roder, chanastrer, fabricant da pipas, tretscher e.a.). M. ha era realisà ina collecziun da ca. 3'000 chanzuns popularas e religiusas rum. ed ha edì il 1945 ens. cun Werner Wehrli ed Andrea Schorta «Die Lieder der Consolaziun dell'olma devoziusa» (2 ts, ca. 2'000 melodias). Ses relasch (tr.a. 1459 chanzuns profanas) è d'ina impurtanza extraordinaria per l'istorgia culturala rum. e grischuna.


 
 


Archiv:
ASGR, relasch; DRG, relasch (material fotogr. e fonogr.).

Ovras:
Radioscola, 1956-81 (red.); Brauchtum, Handwerk und Kultur: Landschaftliches, Volkskundliches, Handwerkliches und Sprachlich-Literarisches aus der Surselva mit Ausblicken auf den übrigen Alpenraum, 1998; Historia, lungatg e cultura: contribuziuns arisguard historia, cant, usits, mistregn, lungatg, litteratura e cultura dil mund romontsch, 1998 (2003²).

Litteratura:
I. Camartin, Sein Haus bestellen. Das kulturgeschichtliche Werk von Alfons M., en: NZZ, 29-4-1999; Cal. Rom., 2004, 398-406; BJb, 2005, 148-52; I. Albin, 2000 Lieder, ein kulturhistorischer Schatz, en: BM, 2008, 91-115.

Adolf Collenberg

lemma precedents MaissenMaissen, Augustin lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :