Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Maissen, ClauMaissen, Flurin lemma sequent

Maissen, Felici
* 24-3-1913 a Mustér, † 25-8-2005 a Glion, cat., da Mustér, burgais d'onur da Cumbel. Figl da Gion Battesta, pur, e da Maria n. Schwarz, da Mustér. Gimnasi a Mustér e Sarnen (matura 1935). Seminari da spirituals a Cuira, ordinà il 1939. Plevon a Mon, chaplon a Ziteil 1939-45 ed a Zignau 1945-68, plevon a Morissen e Cumbel 1968-90, spiritual a la chasa d'attempads a Cumbel 1990-2005. Autodidact en istorgia. Autur da passa 200 publicaziuns (en rum. e tud.) davart l'istorgia politica, militara (surtut dal 17. tsch.) ed ecclesiastica dal Grischun sco era dad ovras davart la cultura e tradiziun populara rum. (superstiziuns, proverbis), monografias da vischnancas (Cumbel e.a.), biografias (Clau M., convertits e.a.) e registers cumplessivs da students grischuns (e.a.). Conredactur da las «Annalas» 1961-81. Comm. d'onur da la Romania. Premi da renconuschientscha dal chantun Grischun e Premi da la CRR.
Ovras:
Die Drei Bünde in der zweiten Hälfte des 17. Jahrhunderts, 1966; Der Kampf um das Automobil in Graubünden: 1900-1925, 1968; Der Sagenserhandel, en: Zeitschrift für Schweizerische Kirchengeschichte, 66/1972, 307-66; Bündner Reformationssagen, 1989.

Litteratura:
A. Maissen, La scrutaziun historica da Sur Felici M., en: Annalas, 119/2006, 131-46.

Adolf Collenberg

lemma precedents Maissen, ClauMaissen, Flurin lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :