Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Marca, Carlo Corradino aMarca, Clemente Maria a lemma sequent

Marca, Carlo Domenico a
* 8-10-1725 a Mesocco, † 25-1-1791 a Roveredo, cat., da Mesocco. Figl da Giuseppe Maria, notar e landamma dal Mesauc, e da Maria Domenica n. Ciocco. ∞ 1) Maria Orsola n. Fantoni, 2) Maria Margherita n. Toschini. Dals dus matrimonis ha el gì 22 uffants. El è stà consul, derschader, landamma dal vicariat da Mesocco e pliras giadas deputà a las Dietas da las Trais Lias. Dal 1771-73 è el stà podestat a Tiraun; il 1780 è el vegnì elegì pres. da la Sindicatura (per 1781). El è stà fitg activ era en il commerzi, surtut en quel da laina, sco era en il sectur da finanzas ed ha accordà credits enorms a la communitad da Leggia ch'ha indemnisà M., cedend ad el il 1775 l'entira val cun las pastgiras d'alp ed ils guauds. Questa situaziun ha provocà en il 19. tsch. in lung conflict tr. la vischnanca da Leggia ed ils descendents da M., litas ch'ha chattà ina fin pir il 1858. 


Litteratura:
E. Fiorina, Note genealogiche della famiglia a M. di Val Mesolcina [Svizzera], 1924; Marca/Santi, Iconografia, 18.

Cesare Santi

lemma precedents Marca, Carlo Corradino aMarca, Clemente Maria a lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :