Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Martinengo, AlbertusMartinengo, Ulisse lemma sequent

Martinengo, Massimiliano Celso
* 5-10-1515 a Brescha, † avust 1557 a Genevra. Figl da Cesare II (numnà il Magnific), cont, e dad Ippolita n. Gambara. Cont da Cesaresco. ∞ Jane Stafford, da l'Engalterra. Anc avant il 18. anniv. era M. gia canoni regular lateran (Don Celso) a Sant'Afra/Brescha. Il 1541 è el vegnì transferì al convent dals canonis augustins da S. Frediano a Lucca per instruir là il grec; qua ha el adoptà las ideas refurmatoricas en contact cun Pietro Martire Vermigli. Tr. il 1542 ed il 1549 ha el predegià en la regiun da Brescha e Milaun. Elegì priur da S. Frediano il 1549, è el fugì il mars dal 1551 l'emprim a Lucarn per daventar, suenter segiurns a Cuira e Turitg, preditgant da la communitad evang. a Tiraun, fundada dad el sez. Suenter in curt segiurn a Visavraun è M. sa rendì a Genevra, nua ch'el ha acceptà l'offerta da Calvin da pastorar la plaiv dals Talians en l'exil (1552-57). Il 1556 ha el obtegnì il dretg da burgais da Genevra.


Litteratura:
Bonorand, Reformatorische Emigration, o.t. 90-92; R.A. Lorenzi, Per un profilo di Massimiliano Celso M., riformatore (1515-1557), en: Bollettino della Società di studi valdesi, 197/2005, 23-68.

Luca Baschera

lemma precedents Martinengo, AlbertusMartinengo, Ulisse lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :