e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Martinengo, Massimiliano Celso Martini, Martin  Martinengo, Ulisse * ca. 1537 a Brescha, † 1609 (evtl. pli tard) a Plür, cat., alura ref., da Brescha. Figl d'Alessandro, signur d'Urago, e da Laura n. Gavardo. Cont. ∞ 1561 Giuditta n. Balbani, da Lucca. Il 1563 è M. fugì per motivs religius da Brescha a Clavenna, alura per curts temps a Murbegn e Genevra, il 1565 en Vuclina ed il 1567 puspè a Clavenna. Dal 1568-69 è el stà preditgant a Murbegn, è sa domicilià il 1570 a Plür, il 1573 a Genevra ed il 1575 a Clavenna. Il 1584 è M. sa rendì cun sia mamma e sia sora Hortensia - maridada en emprima lètg cun Abundius von Salis-Soglio (1534-67), en secunda cun Prospero Paravicini - a Sunder, nua ch'el ha laschà construir il Palazzo per promover da là davent la Refurma en Vuclina. Als plants che M. haja semnà discordia han las Trais Lias replitgà il 1584 ch'el vivia dapi onns en tutta pasch en lur intschess, ed ellas han empermess ad el sustegn giudizial. A la fin da sia vita abitava M. prob. puspè a Clavenna. El è mitschà da plirs attentats a sia persuna. Archiv: ASGR, actas dal pajais, 26-6-1584. Litteratura: Bonorand, Reformatorische Emigration, o.t. 80-84. Martin Bundi  Martinengo, Massimiliano Celso Martini, Martin  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: