e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Martinengo, Ulisse Martinus ex Martinis [Martin Martin]  Martini, Martin * 1565/66 a Zignau, † avant ils 6-5-1610 a Tassarolo (Piemunt), cat., da Lucerna (1593) e da Friburg (1606). ∞ 1) NN n. Wegerich, figlia da Peter, maister battamunaida da Cuira, 2) 1592/93 Barbara n. von Wyl, da Lucerna, 3) ca. 1606 Elisabeth n. Haar. M. ha lavurà sco gidanter da Wegerich. Traplà cun falsifitgar munaida, ha M. bandunà il Grischun il 1591 ed ha translocà via Turitg a Lucerna. Il 1596-97 ha el realisà in gravura en arom da la citad da Lucerna, da la quala è el vegnì bandischà il 1601. Il 1604 ha el alura lavurà tar il battamunaida Etienne Philot a Friburg. Il 1606 ed il 1608 ha el realisà duas vedutas da la citad da Friburg, il 1609 ina gravura da la Battaglia da Murten per il landfoct e geograf Laurent Werli. A la fin dal 1609 è M. sa rendì a Tassarolo sco maister battamunaida a la curt dal cont Agostino Spinola. Il tipic represchentant da l'epoca classica da la gravura en arom ha era stgaffì purtrets da persunalitads contemporanas, illustraziuns da cudeschs e maletgs da devoziun. Litteratura: SKL 2, 331-34; T. Ottiger, Die Luzerner Stadtansicht des Martinus M. 1597, 1956; BLSK, 684. Tapan Bhattacharya  Martinengo, Ulisse Martinus ex Martinis [Martin Martin]  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: