e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Massella, Bernardo Massner, Daniel  Masséna, André * 6-5-1758 a Nizza, † 4-4-1817 a Paris, catolic. Figl da Jules, commerziant da vin, e da Catherine n. Fabre. ∞ Rosalie n. Lamarre. Il 1791 è M. entrà sco voluntari en l'armada franz. ed ha participà il 1795-97 sco gen. da divisiun a la campagna d'Italia. Il favr. 1799 ha el surpiglià il cumond da l'armada franz. da la Helvezia, en substituziun dal gen. Schauenburg. Il mars 1799 ha el conquistà il Grischun ch'el ha fatg incorporar en la Republica helvetica (Joseph Laurent de Mont è stà in da ses brigadiers). Durant la Segunda Guerra da coaliziun è el vegnì battì dals Austriacs en l'Emprima Battaglia da Turitg il zercl. 1799. El ha obtegnì ina victoria decisiva cunter ils Russ dad Alexander Korsakov ils 25 da sett. sequent en la Segunda Battaglia da Turitg ch'ha terminà la preschientscha da las truppas coaliadas en Svizra (p.ex. da quellas sut il commando d'Alexander Suvorov). Marschal da l'Imperi napoleonic. Archiv: Service historique de la Défense, Vincennes (Paris). Litteratura: J. Jourquin, Dictionnaire analytique statistique et comparé des vingt-six maréchaux du Premier Empire, 1986; F. Hulot, Le maréchal M., 2005. Sébastien Rial  Massella, Bernardo Massner, Daniel  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: