e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Mathis, Christian Maton  Mathis, Giovannes * 7-6-1824 a Crasta (vischn. da Schlarigna), † 7-8-1912 a Crasta, ref., da Crusch e da Schlarigna. Figl da Hans, lainari, e dad Anna n. Valär, da Tavau. ∞ Ursula n. Lendi, da Tumein. Emprendissadi da pastizier a Bruxelles. Mainafatschenta a Toulon 1845-64 ed a Genua 1877-90, tranteren hotelier e president com. da Schlarigna (1869). Autur da numerus raquints, tocs da teater, farsas e poesias. Il roman istoric-etnografic «Amicizcha ed amur» (1986-88) reflectescha usits dal 18. tsch., la collecziun autobiografica «Algords» (1980) dat in'invista en la vita d'in emigrant dal 19. tschientaner. En il center dals raquints populars e da las skizzas umorescas, ma era da bleras poesias da M. stat la vita publica engiadinaisa cun sias festas ed isanzas. Litteratura: Bezzola, Litteratura, 372-79; Deplazes, Funtaunas 3; LTS, 1200. Clą Riatsch  Mathis, Christian Maton  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: