e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Matsch, Arnold von Matsch, von  Matsch, Gaudenz von * 12-3-1453, † 27-4-1504 sin la Churburg, a partir dal 1496 era burgais da Lucerna. Figl dad Ulrich IX († 1481) e da la contessa Agnes von Werdenberg-Sargans. ∞ 1479 Ippolita Simonetta, figlia da Cicco, chancelier dal duca da Milaun. Educà a la curt da Puntina. M. è stà l'ultim represchentant en lingia masculina da la lunga dinastia dals chastellans de M. Il 1471 ha el cumprà cun ses bab las Sis Dretgiras ch'el han puspè vendì il 1477 a Sigismund (archiduca dal Tirol nov elegì). Dal 1471-78 ha el residià sco signur dal Partenz sin il chastè da Castels, sporadicamain a la curt da Puntina. Chapit. general dal Tirol 1478-82, maiordom da l'archiduca 1486-87. Il 1487 è el vegnì proscrit da l'imp. Friedrich III per infidelitad e calumnia. Grazia als numerus contacts ch'el aveva pudì stabilir en servetsch da l'Austria ed en l'exil a Castels (fin il 1496), è M. restà ina persuna fitg impurtanta per il Grischun, cumbain ch'el era daventà pli e pli pover. Litteratura: M. Giovannoni e.a., Vogt Gaudenz von M., 2004. Paul Eugen Grimm  Matsch, Arnold von Matsch, von  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: