Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Menhardt, Johann HeinrichMenn, Christian lemma sequent

Menn, Barthélemy
* 20-5-1815 a Genevra, † 11-10-1893 a Genevra, ref., da Scuol e Genevra. Figl da Louis John, pastizier, da Scuol e Genevra (a partir dal 1814), e da Charlotte Madeleine n. Bodmer, da Coinsins/VD. ∞ 1865 Louise Fanchette n. Gauthier, figlia dad Antoine. Suenter curs da dissegn a Genevra (scolar da Jean Du Bois ed Abraham Constantin), è el entrà en l'atelier da Jean-Léonard Lugardon a Genevra (1831) ed en quel da Jean Auguste Dominique Ingres a Paris (1833). Il 1835 ha M. fatg in viadi en l'Italia, nua ch'el è sa scuntrà danovamain cun Ingres sco era cun Hippolyte e Paul Flandrin. A Paris, nua che'l ha vivì dal 1838 fin il 1843, ha el gì contact cun ils picturs da paesagis da la scola da Barbizon (p.ex. Camille Corot) sco era cun Eugène Delacroix e cun il cumponist Frédéric Chopin. Directur da l'École de figure (pli tard École des Beaux-Arts) a Genevra 1850-92, tr.a. scolast da Ferdinand Hodler. M. ha collavurà cun Corot a la decoraziun dal chastè da Gruyères (1856-57). A Genevra ha el organisà exposiziuns d'artists franzos, tr.a. Corot, Delacroix e Gustave Courbet.


Litteratura:
E. Perini, Die Bündner Familie M. in Genf, en: BM, 1951, 283-88; BLSK, 703 s.

William Hauptman

lemma precedents Menhardt, Johann HeinrichMenn, Christian lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :