Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Michel, ElveziaMichel, Janett lemma sequent

Michel, Georg
≈ 11-5-1804 a Sievgia, † 9-3-1867 a Zezras, ref., da Sievgia. Figl da Johann Kaspar, uffizier en servetschs esters, e dad Elisabeth n. Buol, da Parpan. ∞ Catharina Elisabeth n. Schläpfer, figlia da Johann Jakob. Suenter la scola primara a Sievgia e la Scola chantunala evang., studis da dretg a Basilea e Heidelberg, dr.iur. 1824. Activ sco advocat ed administratur dal possess funsil da la famiglia. Pliras giadas landamma da Sievgia a partir dal 1835, chau da la LDD, comm. dal Cussegl grond 1835-40 (pres. 1840-41), cuss. guv. (mintgamai sett.-avust) 1836-37, 1839-40, 1841-42, 1844-45, 1846-47 e 1850-51, mess a la Dieta confed. 1842, cuss. naz. liberal-radical 1848-49 e 1851-60, derschader distr. 1848-66, derschader chant. 1860-63. Cumandant d'in battagliun grischun en il Tessin 1847 (Guerra da la Lia separatista), colonel en il stab general. Uffizier popular e promotur da l'industria, engaschà per l'egualitad dals esters domiciliads. Sco republican decidì ha el renunzià al predicat da noblezza.
Litteratura:
BM, 1867, 56-61; Pieth, Bündnergeschichte, 431-35; Gruner, Bundesversammlung 1, 620; Generalstab 3, 119 s.

Jürg Simonett

lemma precedents Michel, ElveziaMichel, Janett lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :