e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Michel, Konrad (von der Buocha) Migiuria  Michel, Luzi * 9-1-1841 (Johannes Lucius) ad Eigias, † 17-1-1876 a Seglias, ref., dad Eigias. Figl da Christian, pur e mastral, e dad Anna Margreth n. Ladner. ∞ Barbara n. Barfuss. Scola chant. a Cuira, lavurer agricul en la Turgovia, matura a Cuira 1862. Stud.teol. a Jena e Turitg. Recepì en la Sinoda a Tavau il 1866, provisur en la plaiv da Peist 1866-69, plevon a Seglias e Mut 1869-76. Il 1870 ha el fundà il moviment dals Giuven-democrats dal Grischun, in'ala radicala dissidenta da la Partida liberala. A partir dal 1873 editur e redactur da la revista «Der Volksmann» che defendeva ils interess dals purs pitschens, dals famegls e dals lavurers en il Grischun. Il cussegl da baselgia evang. dal Grischun ha intimà M. en ina brev d'admoniziun da sa moderar. Comm. dal Cussegl grond 1875-76. Activitad politica sco publicist cun relaziuns cun l'Associaziun dal Grütli da Cuira e cun il moviment socialdemocratic. M. è stà in refurmatur social ref. ed in precursur dal socialissem religius. El è stà prob. l'emprim teolog da la Svizra ch'è sa declerà socialist. Ovras: Für die Missachteten des Volkes, 1874. Litteratura: A. Knellwolf, Der Volksmann Luzi M., 1913²; M. Mattmüller, Leonhard Ragaz und der religiöse Sozialismus 1, 1957; R. Barth, Luzi M. (1841-1876), en: BM, 1984, 270-79; BBKL 19, 977-79. Jan Uebelhart  Michel, Konrad (von der Buocha) Migiuria  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: