Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Mohr, JosephMohr, Theodor von lemma sequent

Mohr, Maximilian
* ca. 1588, † suenter il 1652, cat., da Damal (Vnuost) e Lucerna (1615). Figl da Hans, chapitani sin il chastè da Tarasp. Cusrin da Joseph. ∞ 1) Jacobea n. von Mettenwil, da Lucerna, 2) Maria Jacobea n. von Weissenberg, da Feldkirch, 3) Ursula n. Füeger, da Hirschberg (Tirol). Descendent dal rom cat. da Damal, originar da Zernez, è el stà 1614-20 secretari dal mess spagn. Alfonso Casati a Lucerna. Sco agent habsburgais ha el giugà a partir dal 1620 ina rolla centrala en il Grischun durant l'invasiun da las truppas austr. cumandadas dal colonel Alois Baldirun. Il 1621 è el entrà en servetsch da l'archiduca Leopold V da Tirol ch'ha tramess el il 1622 en missiun diplomatica a Madrid. Persunalitad cultivada ed energica, ha M. obtegnì il 1629 il titel da barun ed il 1650, da l'archiduca Ferdinand Karl, quel d'in cont (M. von Lichtegg). Il 1649 ed il 1652 è el stà participà decisivamain a la liberaziun dals dretgs austr. en la LDD ed en l'Engiadina Bassa.



Litteratura:
Die Correspondenz von Alfonso und Girolamo Casati [...], edì da H. Reinhardt, 1894, XX-XXIII; G. Reitinger, Die Organisation der Feldzüge Erzherzog Leopolds V. gegen Graubünden, 1620-1623, 1954.

Marco Jorio

lemma precedents Mohr, JosephMohr, Theodor von lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :