Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Mohr, MaximilianMohr [Moor], Anna von lemma sequent

Mohr, Theodor von
* 4-5-1794 a Susch, † 1-6-1854 a Cuira, ref., convertì al catolicissem ils 19-5-1854, vischin da Susch e Cuira (a partir dal 1836). Figl da Jakob Conradin, plevon. ∞ 1) 1817 Anna Dulcinea n. L'Orsa, 2) 1828 Josephine Caroline Maximiliane n. von Buol, 3) 1835 Regina Constanzia n. Gugelberg von Moos. Gimnasi e studis da filosofia e da teologia (senza conclusiun) a Berna. Inspirà da Johann Heinrich Pestalozzi, ha M. fundà a Susch ina scola privata per mats ed ina societad da lectura. Comm. dal Cussegl grond 1821-22, bundsstatalter da la LCD 1823 e mess a la Dieta confed. 1827. Advocat a Cuira a partir dal 1824. Politicher cons. (adversari da la Const. fed. dal 1848) e redactur da la «Churer Zeitung» conservativa. Sco autodidact è M. stà il piunier principal da la perscrutaziun istorica en il Grischun. Collecziunader ed editur da funtaunas istoricas, p.ex. dal «Codex diplomaticus» (emprims dus toms, 1848-54) ed, en collavuraziun cun ses figl Peter Conradin, da regestas e funtaunas cronicalas (Durich Chiampell, Fortunat von Juvalta e.a.). M. ha ultra da quai ordinà l'Archiv chant. grischun ed è stà confundatur da la Societad istoric-antiquara dal Grischun (1826, oz Societad istorica dal Grischun) e da la Societad svizra per la perscrutaziun da l'istorgia.
 


Litteratura:
C. Schmid, Theodor von M. und die bündnerische Geschichtsforschung in der 1. Hälfte des 19. Jahrhunderts, 1950; Bedeutende Bündner 1, 498-516.

Otto Clavuot

lemma precedents Mohr, MaximilianMohr [Moor], Anna von lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :