Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Mont [Demont], deMontafun lemma sequent

Mont [Demont], Joseph Laurent de
* 28-9-1747 a Sartrouville (Ile-de-France), † 8-5-1826 a Paris, □ santeri da Père Lachaise, cat., da Vella. Figl da Joseph Marie, uffizier, e da Marie Elisabeth n. Imhof. Nubil. Scolas claustralas da Faveras (1756-60) e Mustér (1760-63). Schuldà a partir dal 1764, sutlitinent en il regiment svizzer Waldner en servetsch dal retg da la Frantscha 1768 ed aide-major en il regiment Vigier 1782. Carriera militara en l'armada revoluziunara franz. suenter il 1792. Il 1799 ha el participà a l'invasiun en il Grischun sco general da brigada da l'armada franz. da la Helvezia. Suenter la Battaglia d'Austerlitz (blessà) è el vegnì nominà general da divisiun il 1805, alura senatur il 1806 e comte d'Empire il 1808. M. è s'opponì pli e pli fitg a Napoleun, ed il 1814 al ha Louis XVIII numnà pair de France; da questa Chombra è el stà deputà fin il 1826. M. ha obtegnì numerusas ensainas e distincziuns. Ses num è engravà en l'Arc de Triomphe a Paris. M. è l'erox dal roman «General Demont» (1906) da Maurus Carnot (rum. 1939) e dal drama omonim da Toni Halter (1963).


Litteratura:
Bedeutende Bündner 1, 283-85; Deplazes, Funtaunas 2 e 3; P. Märk, General Joseph Laurent Demont, 2009.

Ursus Brunold

lemma precedents Mont [Demont], deMontafun lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :