Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Mundaun, PizMunt Son Gieri lemma sequent

Münster, Sebastian
* 20-1-1488 a Niederingelheim (Rheinland-Pfalz), † 26-5-1552 a Basilea, cat., pli tard ref., a partir dal 1535 da Basilea. ∞ 1530 Anna Selber, vaiva dal stampader Adam Petri. Oriund d'ina fam. da l'elita purila, è el entrà il 1505 en l'Urden dals franciscans ed è vegnì ordinà sacerdot il 1511. Sensibilisà gia baud per las ideas refurmatoricas, è el sortì da l'urden il 1529 ed ha acceptà la professura d'ebraist a Basilea. A partir dal 1525 ha M. fatg numerus viadis en l'intschess dal Rain Superiur, ed il 1544 ha el publitgà sia «Cosmographia», in cumpendi da las enconuschientschas istoricas e geograficas da ses temp, redigì en il senn da la tradiziun cumpilatorica ed erudita da l'Umanissem. En quella designescha el ils Engiadinais sco ina "gens furax" (ladruns) ed en l'ediziun tud. dal 1550 sco "ärgere Diebe als die Zigeuner". Quest'insulta ha incità Gian Travers e Balthasar Planta-Wildenberg da pretender dal cussegl municipal da Basilea ina nota da protesta cunter M. barmier, ina stgisa formala e la reabilitaziun dals Engiadinais. En l'ediziun dal 1561 è la passascha respectiva vegnida eliminada.



Litteratura:
Sprecher/Jenny, Kulturgeschichte, 619; J. Knape, Geohistoriographie und Geoskopie bei Sebastian Franck und Sebastian M., en: Sebastian Franck (1499-1542), edì da J.-D. Müller, 1993, 239-92; F. Meyer, Rätien in der Kosmographie des Sebastian M., en: BJb, 2000, 64-75.

Kaspar von Greyerz

lemma precedents Mundaun, PizMunt Son Gieri lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: