e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  N.U. Spigna Nadig, Adolf  Nadig, Adolf * 3-6-1877 a Minca, † 15-5-1960 a Cuira, ref., da Tschiertscha e Cuira. Figl da Christian, directur d'ina firma da spediziun internaz., e da Maria n. Brehm. ∞ Elisabeth n. Koch, figlia dad Ottone, industrial da chemia a Milaun. Scolas popularas a Com e Chiasso, Scola chant. a Cuira. Studi da medischina, silsuenter da giurisprudenza a Turitg, Lipsia e Heidelberg, dr.iur. 1902. Alura è N. entrà en la firma dal bab a Milaun ed è daventà directur il 1913. Fundatur da la Scola Svizra a Milaun 1919. Suenter esser sa retratg da la fatschenta, ha el prendì domicil a Cuira il 1921. Sco politicher lib. è el stà pres. da la citad da Cuira il 1926-35, comm. dal Cussegl grond il 1927-35 e Cuss. guv. il 1936-41 (Dep. d'educaziun e sanitad, pres. 1939); suenter l'emprim scrutini electoral il 1941 è el sa retratg. Cuss. naz. 1943-47. Perscrutader da la natira («Zur Orthopterenfauna Graubündens», 1930). Pres. da l'Uniun per la protecziun da la natira 1922-31 e da la cumissiun fed. per la protecziun da la natira e da la patria 1947-50. Litteratura: BJb, 1961, 174 s. Jürg Simonett  N.U. Spigna Nadig, Adolf  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: