Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Oswald, HerkulesOtg Dretgiras lemma sequent

Oswald, Werner
* 16-3-1904 a Dietschiberg (vischn. da Lucerna), † 23-2-1979 a Turitg, cat., da Lucerna. Figl dad Arthur, advocat e cuss. guv. da Lucerna. ∞ 1944 Eléonore n. Matthys, da Horgen/ZH. Scola media a Gais/AR e Trogen/AR, scola d'agricultura a Langenthal/BE, studi d'agronomia, dr.ing.agr. da la SPF da Turitg e dr.fil.II da l'Univ. da Turitg. Il 1936 ha fundà O. la Holzverzuckerungs AG (Hovag) a Turitg per producir carburant sco product da fermentaziun da restanzas da laina. A partir dal 1942 ha quella producì a Domat, cun subsidis da la Confed., aditivs per carburants en il servetsch dal provediment naziunal. Il 1956 ha la Confed. refusà (en ina votaziun da referendum) da subvenziunar vinavant la Hovag che ha sinaquai producì fibras artifizialas (midada da producziun radicala). Il 1960 è la Hovag vegnida transfurmada en las Ovras da Domat SA, da las qualas el è stà pres. dal cussegl administrativ (1968) ed acziunari maioritar (1972). Lt colonel.


Ovras:
Wirtschaft und Siedlung im Rheinwald, 1931; Beiträge zur Theorie der Elektrokultur, 1933.

Litteratura:
Finanz und Wirtschaft, 20-1 e 27-4-1956; NZZ, 2-5 e 7-5-1956; 10/11-3-1979; H.U. Rentsch, Werner O. (1904-1979), en: Schweizer Pioniere der Wirtschaft und Technik, 43/1985.

Florian Hitz

lemma precedents Oswald, HerkulesOtg Dretgiras lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :