Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Ott, vonOtto [Ott], Jakob lemma sequent

Otto, Bernhard
* 1752 a Lindau (Baviera), † 31-7-1816 a Cuira, ref., da Lindau, burgais da Cuira dapi il 1768. Figl da Jakob. ∞ 1787 Susanna Barbara n. Wegelin. Suenter ina scolaziun da tipograf, è daventà O. cumproprietari da la stamparia e libraria Jakob Otto & Söhne (1772-1816). El manava la stamparia, ses frars Andreas e Martin tgiravan l'acquisiziun e la spediziun. Il 1796 ha el cumprà la stamparia da Konstantin Pfeffer. Aderent da la partida dals Patriots, è O. vegnì mess en fermanza dals Austriacs a Puntina (matg 1799 - sett. 1800). Ils Ottos han edì la «Montägliche Churer Zeitung», il «Telegraph aus Graubünden» ed il 1803 la «Churer Zeitung». Il medem onn han els stampà l'«Acta da Mediaziun» (rum.) per la Confed. ed il chantun Grischun ed il 1815 ina Bibla en ladin. Il 1856 ha Bernhard, il biadi dad O., vendì la stamparia a Senti & Hummel, la posteriura stamparia Gasser & Eggerling.


Litteratura:
Bornatico, L'arte tipografica, 142-48 (cun reg. dals stampats 1770-1803).

Adolf Collenberg

lemma precedents Ott, vonOtto [Ott], Jakob lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :