Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents CastanedaCastelberg lemma sequent

Castasegna
Anteriura vischn. polit., cirq. Bergiaglia, distr. Malögia. Fusiunada il 1-1-2010 a la vischn. polit. Bergiaglia. Situada lung la via en la part sut da la Bergiaglia al cunfin cun l'Italia (staziun da duana), cun ina vegetaziun meridiunala, malgrà ils dus mais d'enviern senza sulegl. 1374 Castexegnia. 1850 207 abit.; 1900 239; 1950 197; 1980 174; 2000 190. Crap-scalutta sur Caslac, singuls chats dal temp etrusc e roman. En il temp medieval furmava il Lovero il cunfin meridiunal dal territori da l'uvestgieu da Cuira. En il temp medieval tardiv era C. sut il domini feudal dals de Salis e furmava cun Suogl e Buond il vischinadi da Sottoporta. Il 1526 è daventada la vischnanca ina part autonoma da la mesa dretgira da Sottoporta. Ecclesiasticamain appartegneva C. oriundamain a la plaiv gronda da Nossadunna (Promontogno). La chaplutta da S. Gion (S. Gion Battista), menz. il 1409, era ina curazia da Suogl. Suenter l'adopziun da la cretta ref. il 1552, ha C. obtegnì in agen plevon (1553) ed in'atgna baselgia, consecrada a la s. Trinitad (1664). Il guaud da chastagners da C. era a ses temp il pli grond guaud da quella spezia en l'Europa. Oz profita l'economia indigena dals privilegis d'ina staziun da duana. D'impurtanza per la vischnanca èn ultra da quai las OE da la citad da Turitg. Il 2000 lavuravan 56% da la populaziun cun activitad da gudogn a C. en il sectur terziar. 81% dals abitants han inditgà il 2000 il talian sco lingua materna, 16% il tudestg. C. è suttapost ad ina depopulaziun permanenta. Ina via da sviament è projectada.


Litteratura:
Kdm GR 5, 426-33; Gem. GR, nr 25, 1981; M. Spreiter-Gallin, C.: località di confine - ein Grenzdorf, 2006.

Adolf Collenberg

lemma precedents CastanedaCastelberg lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :