Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Paravicini, François Jean BaptisteParc Naziunal Svizzer (PNS) lemma sequent

Paravicini [Parravicini], Rudolf
* 1780, † 1836 ad Odessa (Russia, oz Ucraina), cat., da Tiraun. Figl da Giovanni Simone, barun de Freudenthal, vischin adoptiv da la dretgira dal Surses e chancelier general da la Vuclina suenter la separaziun da quella da las Trais Lias (1797). Bap e figl èn stads manaders en la Revolta vuclinaisa cunter ils Franzos, supprimida bainprest il matg 1809. P. è vegnì condemnà ad ina paina da chadaina per vita duranta ed extradì a Mantua. El ha dentant pudì fugir sur Vienna en Russia, nua ch'el è daventà col. e titular da l'Urden da S. Vladimir. Suenter ses return en Vuclina il 1814 è P. s'engaschà per ina reannexiun da quella al Grischun ed è sin quai vegnì arrestà ed extradì a Milaun, danunder ch'el è puspè fugì a Vienna.   
Litteratura:
G. Romegialli, Storia della Valtellina e delle già contee di Bormio e Chiavenna 4, 1839, 543-53; 5, 1844, 81-86.

Adolf Collenberg

lemma precedents Paravicini, François Jean BaptisteParc Naziunal Svizzer (PNS) lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :