Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Piazza, PaoloPietissem lemma sequent

Pieth, Friedrich
* 19-2-1874 a Castiel, † 29-9-1953 a Cuira, ref., da Molinis. Figl da Peter, pur, e da Maria n. Patt, vaiva Sprecher, da Tschiertschen. ∞ Margrit n. Walser, da Sievgia, figlia dad Andreas, chapitani. Seminari scolastic a Cuira, patenta da mag. secundar a l'Univ. da Berna 1896, studis d'istorgia e germanistica a Berlin, dr.fil. a Berna 1898 («Die Mission Justus von Gruner in der Schweiz 1816-1819»). Magister al Seminari scolastic a Cuira, bibliotecar chant. en uffizi secundar 1909-34, alura en uffizi cumplain fin il 1944. Sias publicaziuns ordvart numerusas e tematicamain han mess la basa per sia ovra principala, la «Bündnergeschichte» (1945) ch'è stada l'ovra da standard e da referiment la pli impurtanta davart l'istorgia dal Grischun fin a la cumpariziun dal «Handbuch der Bündner Geschichte» il 2000. Pres. da la Societad istoric-antiquara dal Grischun 1927-44, pres. da la cumissiun per il «Bündner Urkundenbuch» e comm. da numerusas societads istoricas e bibliotecaras spezialisadas. El è stà durant 37 onns redactur dal «Bündner Monatsblatt» ch'el ha fatg renascher il 1914 ed en il qual el ha publitgà la pli gronda part da sias ovras.



Litteratura:
BM, 1953, 294-302 (cun purtret); Bedeutende Bündner 2, 518-26.

Adolf Collenberg

lemma precedents Piazza, PaoloPietissem lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :