e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Planisaziun dal territori Planta, Alba von  Planta, Adolf von (Reichenau) * 13-5-1820 a Rehanau, † 25-2-1895 a Turitg, ref., da Samedan. Figl dad Ulrich. Frar da Jacques Ambrosius. ∞ 1851 Ursina Maria n. von Muralt, figlia da Melchior, da Beiva. Scolas a S. Gagl, Ftan (Institut a Porta), Turinga e Turitg. Studi da scienzas natiralas a Berlin, Heidelberg e Giessen (cun chemia tar Justus von Liebig) a partir dal 1840, promoziun a Heidelberg 1845 (dissertaziun davart il cumportament chemic dals alcaloids principals). Viadis da scolaziun en Norvegia ed en Frantscha (visita al retg Louis-Philippe), en l'Engalterra ed en l'Orient (1847-48). Ulteriurs studis davart la chemia d'agricultura e l'apicultura ad Utrecht, Edinburgh e Stuttgart. Agen labor en il chastè da Rehanau ed al Politecnicum fed. a Turitg per perscrutaziuns chemicas e fitochemicas e per retschertgas davart ils avieuls. Numerusas publicaziuns, tr.a. davart funtaunas mineralas grischunas (a partir dal 1852) e davart l'avieul (a partir dal 1875). Comm. d'onur da la British Beekeepers Association (1894). Litteratura: Geneal. Planta, tav. 34/2; JNGG, nova retscha, 38/1894/95, 88-102 (cun reg. d'ovras); E. Bosshard, Adolf von P., en: Verhandlungen der Schweizerischen Naturforschenden Gesellschaft, 78/1895, 257-71; G. Bener-Lorenz, Ehrentafel bündnerischer Naturforscher, 1938, 68-70. Hansjürg Gredig  Planisaziun dal territori Planta, Alba von  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: