Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Planta, Rudolf von (Samedan)Planta, Thomas lemma sequent

Planta, Rudolf von (Wildenberg)
* 1569, † 1638 sin il chastè da Rametz a Meraun, ref., a partir da ca. 1623 cat., da Zernez. Figl da Balthasar e prob. da Catharina n. Prevost. Frar da Pompejus. ∞ 1598 Margareta n. Travers. P. ha occupà uffizis da gronda influenza sco landamma criminal da l'Engiadina Bassa, vicari da la Vuclina 1589-91 e guvernatur 1601-03, cuss. da l'archiduca Leopold V, possessur feudal dal signuradi da Tarasp e mess da las Trais Lias, p.ex. a Puntina il 1599, en il Vallais il 1600 ed, ens. cun quatter ulteriurs deputads grischuns, tar l'imp. Rudolf II per renovar ils contracts. Sco derschader statutar a Zernez ha P. ordinà pliras execuziuns il 1616, quai che ha procurà ad el, ultra da stretgs lioms cun l'archiduca d'Austria, numerusas inimicizias, tr.a. da vart da la partida venez. e dals preditgants. Il 1618 è P., sco ses frar Pompejus, vegnì proscrit da la dretgira nauscha ref.-venez. da Tusaun e sentenzià a mort en contumazia, silsuenter acquittà da la dretgira criminala da Cuira e finalmain sentenzià danovamain da la dretgira nauscha da Tavau. Suenter ch'Engiadinais vilads avevan devastà il 1619, sut il cumond da Baptista von Salis, il chastè da Wildenberg a Zernez (sia residenza), è P. fugì en il Tirol dal Sid. Il 1621 è el returnà cun l'armada spagn.-austr. dad Alois Baldirun ed è stà activ il 1622 sco cumandant da truppas austr. en l'Engiadina Bassa, alura danovamain sco derschader statutar, il 1627 sco chapit. e sco cumissari austr. a Zernez. El ha expulsà tut ils preditgants da l'Engiadina Bassa ed ha occupà lur plazzas cun chaputschins. Sustegn ha el chattà tar las truppas d'occupaziun austriacas. Suenter il 1623 è P. sa trategnì per gronda part a Meraun, nua ch'el ha acquistà il 1625, ultra da la residenza da Rametz, il chastè da Greifen. Chavalier da l'Urden da S. Marc (1603).


Litteratura:
Geneal. Planta, tav. 12/10; Planta, Chronik, 157-222; Pieth, Bündnergeschichte, 188-216; HbBG 2, 130, 181.

Hansjürg Gredig

lemma precedents Planta, Rudolf von (Samedan)Planta, Thomas lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :