Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Plattner, JosephPlattner, Placidus Andreas lemma sequent

Plattner, Placidus
* 23-1-1834 a Vaz Sut, † 25-8-1924 a Vaz Sut, cat., da Vaz Sut. Figl da Christian, pur e constructur dad orglas da chasa, e dad Anna n. Krättli. Frar da Samuel. ∞ 1860 Johanna n. Good, da Mels. Gimnasi a Cuira, Nossadunnaun, Mustér e S. Gagl, alura Seminari da spirituals a Cuira. Studi da filologia ed istorgia a Minca e Prag 1855-58. Scolast a Sviz, Altstätten e Zug 1859-63, alura a Cuira 1864-70, nua ch'el è stà vicerectur da la Scola chantunala. Activitad schurnalistica, possessur dal «Bündner Tagblatt» ens. cun Hermann Sprecher von Bernegg; plinavant schurnalist liber per il «Vaterland» e per fegls istoric-politics. P. ha surpiglià temporarmain in bain a Termin. Comm. dal Cussegl grond 1859-1905 (cun interrupziuns, pres. 1883, 1892 e 1900), statalter guv. 1873-74; comm. da la cumissiun dal Cussegl grond 1879, 1882-83 e 1888-93; cuss. guv. 1877-78 e 1884-87 (pres. 1886) e comm. da la cumissiun d'educaziun 1901-17.
P. ha relaschà in'ovra istorica impurtanta (tr.a. collavuraziun a la «Amtliche Sammlung der älteren Eidgenössischen Abschiede»). Il 1857 ha el fundà la «Monat-Rosen», il 1859 ils «Katholische Schweizer Blätter für Wissenschaft und Kunst». Confundatur da la Societad istoric-antiquara (oz Societad istorica) dal Grischun (pres. 1893-1904). Autur enconuschent da dramas («Johann Caldar», 1863; «Ulrich Wikard», 1864; «Rink von Baldenstein», 1889). P. valeva sco oratur ordvart popular. El è stà in um da scola renconuschì ed in politicher cat.-cons. impurtant. Suenter il 1892 èn el e Johann Josef Dedual vegnids isolads dals Federaldemocrats enturn Caspar Decurtins per avair crititgà il curs federalistic rad. da Decurtins e revenditgà ina partida cat.-cons. autonoma ch'els han formulà en il «Graubündner Allgemeiner Anzeiger». Comm. da l'Uniun studentica svizra a partir dal 1854. Premi d'onur da la Fundaziun Schiller 1918.



Litteratura:
Gas. Rom., 28-8 ed 11-9-1924; Bedeutende Bündner 2, 149-58; Metz, Graubünden 2.

Adolf Collenberg

lemma precedents Plattner, JosephPlattner, Placidus Andreas lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :