Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Plattner, WilhelmPlaun, Il lemma sequent

Platz, Paul [Paolo Piazza]
Attestà il 1672, † 1720, dad Alvagni e da Würzburg (a partir dal 1675). Enconuschent era sut il num Paolo Piazza, è el stà activ sco architect spezialisà en la Franconia ed en il Württemberg, nua ch'el ha realisà o.t. fortificaziuns e chastels. Emploià da l'architect Wilhelm Schneider, ha P. construì en ils onns 1672-74 la tur naira dal chastè da Schwarzenberg a Scheinfeld (Franconia). Il  1675 è el vegnì numnà architect dal dom da Würzburg, nua ch'el ha era fatg lavurs vi da la baselgia da S. Burkhard (1678) e vi da la fortezza da Marienberg (1686). Ultra da quai ha P. lavurà il 1679-84 vi dals chastels da Weikersheim (Württemberg; stallas da chavals, portal, tur) e dad Öhringen (Württemberg; 1681-83, ala orientada vers la Ohrn, stalla da chavals). Il 1679 ha el obtegnì in diplom da noblezza, confermà tras l'imperatur il 1685.


Archiv:
Acitad Würzburg, doc. biogr.

Litteratura:
Zendralli, I magistri grigioni; M. Pfister, Baumeister aus Graubünden, Wegbereiter des Barock, 1993.

Cesare Santi

lemma precedents Plattner, WilhelmPlaun, Il lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :