Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Po, ChasperPoeschel, Erwin lemma sequent

Pocobelli, Giulio
* 22-10-1766 a Melide/TI, † 22-4-1843 a Melide, cat., da Melide, vischin dal chantun Grischun 1825. Figl da Francesco, miradur ed interprendider. ∞ Elisabetta n. P. Cun 13 onns è el suandà ses bab en il Piemunt, nua ch'el ha emprendì, sco autodidact, l'art da construir ed ha acquistà experientscha en la projectaziun e construcziun da punts e vias. Il 1797 è el turnà en il Tessin ed ha surpiglià il commando dals Cotschens, ina miliza rurala da voluntaris dals conturns da Lugano ch'ha cumbattì il 1798 l'armada cisalpina da Napoleun. Comm. dal Cussegl grond dal Tessin 1806-30 e cuss. guv. 1815-36. Malgrà sia tenuta fundamentala cons. ha P. aderì a la svieuta lib. dal 1830. El ha construì tr.a. la via dal Monte Ceneri (1806-10), fermamain contestada, ed il Ponte della Torretta sur il Ticino a Blinzuna (1813-15). Per il Grischun ha el projectà e dirigì las lavurs da construcziun da la via dal S. Bernardin (1818-23); Richard La Nicca era da quel temp ses assistent. El ha participà a la concurrenza per il Grand Pont/Zähringerbrücke da Friburg (1826, betg realisà) e per il Ponte-Diga a Melide (1841).


Litteratura:
G. Bener, Ehrentafel bündnerischer Ingenieure und Ingenieurwerke, 1927, 19-23; P. Mantovani, La strada commerciale del San Bernardino, 1988; M. Agliati e.a., Melide e Milí, 2003, 333-41.

Marco Marcacci

lemma precedents Po, ChasperPoeschel, Erwin lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: