e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Pontisella, Johann Pool, Jakob  Pontisella, Johann * ca. 1510, † fan. 1574 a Cuira, descendent d'ina veglia schlatta bregagliotta. Figl da Johann, canoni da Cuira convertì a la cretta ref. il 1526. Stud.teol. a la Scola da latin a Turitg. Plevon ref. a Schwamendingen/ZH 1541, provisur a la scola dal Grossmünster a Turitg 1542. Rectur da la scola da latin da la LCD a Cuira (Scola Nicolai) 1544-74. Correspondenza cun Bullinger. Il 1551 è P. vegnì incumbensà da la Sinoda retica da visitar, ens. cun Pietro Paolo Vergerio, la pravenda ref. a Clavenna. Il 1566 è el daventà comm. dal cussegl munic. da Cuira, ed ha participà il 1572 al process cunter Johann von Planta (signur da Razén) sco in dals trais scrivants da las Trais Lias. Suenter la mort da P. han ses amis laschà stampar l'ovra «Carmina» (1576) cun dedicaziuns da 13 persunalitads da la scienza e politica.   Litteratura: Bullingers Korrespondenz mit den Graubündnern 1, edì da T. Schiess, 1904, XLIII-XLV; BBKL 19, 1083-86. Martin Bundi  Pontisella, Johann Pool, Jakob  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: