e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Pestga Peterelli, Carl  Peterelli Famiglia attestada a partir dal 15. tsch. sco uffizials da l'uvestgieu da Cuira, avant il 1700 Patharella, domiciliads dapi l'entsch. dal 17. tsch. a Suagnign. Il progenitur genealogicamain cumprovà è Johann (1638-84). In'impurtanza spez. ha obtegnì la lingia pli veglia da Lucius ch'ha mess suenter il 1650 plirs landfocts (v.d. mastrals) dal Surses ed in podestat (Johann, 1727-29), plinavant in landfoct dal Signuradi ed en il 18. tsch., sur pliras generaziuns, uffiziers en servetschs austriacs. Ils P. èn sa liads tras maridaglia cun ils Scarpatettis ed ils Travers-Ortenstein, en il 19. tsch. cun ils Salis-Zizers e cun las fam. da mastrals e cussegliers surs. Riedi, Latour e Toggenburg. Suenter Remigius, Carl e Franz, figl resp. biadis da Johann Anton, ha la fam. pers sia influenza. Baltermia, pres. dal Cussegl grond dal Grischun 1992-93, deriva d'ina lingia pli giuvna. Litteratura: Schweizerisches Geschlechterbuch 5, 901-05. Adolf Collenberg  Pestga Peterelli, Carl  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: