e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  PGI Piazza, Paolo  Phiesel [Peisel], de Schlatta da chavaliers grischuna dal 13. fin 15. tsch., numnà tenor l'aclaun Peisel (vischn. da Mustér), nua ch'ils P. abitavan sin in chastè u sin in bain. Attestads per l'emprima giada il 1237 tras ils frars Berthold, Gottfried e Rudolf, stevan ils P. sco ministerials u vasals libers en stretga relaziun cun la claustra da Mustér. Il 1278 è dentant entrà Gottfried, ens. cun Walther de Vaz, ils frars de Grünenfels ed ils signurs de Pultengia, en conflict cun l'abazia. Gottfried (menz. a partir dal 1335) è stà en ils onns 1347, 1349 e 1359 burgamester da Cuira. Il 1347 è el stà garant per l'uv. Ulrich Ribi cunter il marches Ludwig von Brandenburg. In auter Gottfried è stà il 1371 chastellan da la Cadi, prob. sco chastellan subordinà dal conts de Werdenberg u gia sco represchentant dal cumin da la Cadi. La schlatta è attestada per la davosa giada cun Janal Gottfried ch'era il 1438 assessur en la dretgira da cumpromiss da l'avat da Mustér. Litteratura: Clavadetscher/Meyer, Burgenbuch, 346. Veronika Feller-Vest  PGI Piazza, Paolo  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: