e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Plantair [Planaterra]
Schlatta ministeriala dal chapitel catedral da Cuira, attestada per l'emprima giada il 1291. Ils P. han adoptà il num da la curt P. a Cuira (quartier da Salas), nua ch'els possedevan ina tur d'abitar. Els èn parentads cun ils chavaliers Streiff, cun ils Kästris (a Castrisch) ed ils Richensteins. Gaudenz I († 1326) è stà mastral (minister) da la citad da Cuira il 1291 e dal 1296-1312; sco tal è doc. era Andreas I († 1331) en ils onns 1328-31. Gaudenz IV († 1397), il davos represchentant da la fam., cumpara sco portascut (armiger, tud. Edelknecht) ed è stà il 1373 curatur da Cuira. El ha testà sco fossa per sia fam. la chaplutta da S. Maria Magdalena en il santeri da la catedrala. L'ierta dals P. è ida sur Ulrich von Richenstein a l'abazia benedictina da Faveras. A la plazza da la veglia tur d'abitar dals P. han ils Capols erigì il 1533 l'odierna chasa Planaterra.
Litteratura:
GHS 2, 133-35; Clavadetscher/Meyer, Burgenbuch, 287.
Jürg Leonhard Muraro
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Plantair