e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Pultengia Pultengia [Pontaningen, Pultingen], Pieder de  Pultengia [Pontaningen, Pultingen], de Schlatta da ministerials da l'abazia da Mustér oriunda da chavaliers, evtl. immigrada dal Vallais, residenta sin il chastè da P. en il Tujetsch. Cun il chavalier Wilhelm de Bultininga (1252-78) è attestada la schlatta per l'emprima giada. Members da la fam. èn stads activs sco perditgas, garants, mediaturs, intermediaturs e mess en servetsch da l'abazia da Mustér. Il 1278 èn els stads temporarmain, ens. cun il barun Walther V de Vaz, adversaris da la claustra. Tras lur possess en Surselva ed a partir dal 14. tsch. en la Val Ursera han ils P. pudì influenzar la politica tant en la Cadi sco en las vischnancas da la Val Ursera. Ulrich è stà mastral da la Val Ursera (1363), Heinrich avugà claustral (1391) e vegl mastral da la Cadi (1401), Wilhelm mastral da Mustér (avant il 1450). Pieder, avat da Mustér, è stà l'exponent il pli impurtant da la famiglia. La figlia da Claus, Cilia, ha vendì il 1402 il bain da Ragisch/Wurzenstein (vischn. da Mustér). Prob. tras maridaglias cun ils de Surcasti (von Übercastel) ed ils Lumerins è la fam. vegnida a possess en Lumnezia. Ils P. sa laschan documentar fin vers il 1550. Litteratura: I. Müller, Die Ritter von Pontaningen, en: BM, 1943, 21-27; Clavadetscher/Meyer, Burgenbuch, 350; C. Capaul-Hunkeler, Notizas per generaziuns de pli tard, 1993, 25-27. Veronika Feller-Vest  Pultengia Pultengia [Pontaningen, Pultingen], Pieder de  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: