e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Mon Mont, Christian Leonhard de  Monstein Fracziun da la vischnanca polit. da Tavau, situada a 1626 m al sid da Tavau sin la spunda sanestra da la Val da la Landwasser. 1494 Mastein, Mustein; 1526 Mostein. 1689 178 abit.; 1900 127; 2001 177. Il num deriva dal lat. monasterium e sa referescha prob. ad in bain claustral (curtis) ed a servs da la claustra da Curvalda. M. ha furmà a partir dal 1654 ina plaiv cun Glaris, da la quala la vischnanca è sa separada il 1719, constituind ina pravenda cun in agen reverenda. L'emprima baselgia, construida en ils onns 1668-70, è vegnida bandunada il 1896, cura ch'ins ha realisà in edifizi nov al nord dal vitg. La populaziun da M., che posseda atgnas alps, viva o.t. da l'agricultura. Il servetsch d'auto postal collia il vitg cun la staziun Tavau-Glaris da la Viafier retica. La scolina e la scola elementara da la fracziun èn indizis per la vitalitad da M. Il 1999 è vegnida fundada l'Uniun Pro Monstein. Litteratura: Kdm GR 2, 176; Davoser Revue, 72/1997, nr 1, 1-47; P. Thürer, Damals in M., edì dad A. Mittelholzer, T. Gadmer, 2005. Martin Bundi  Mon Mont, Christian Leonhard de  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: