e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Neu-Aspermont Neuburg, Volkard von  Neuburg Ruina da chastè en la vischnanca da Vaz Sut, sin in lung sparun grippus a l'ur occidental da la Val dal Rain. Mantegnids èn parts dal palaz fortifitgà rectangular sco era, al nord ed al vest da quel, fundaments dal mir da tschinta cun portal. En la part settentriunala da la curt sa chatta ina cisterna radunda. N. è vegnì transfurmà pliras giadas; da l'edifizi originar èn restadas sortidas vers ils erculs da las latrinas u da las lautgas, chappas da chamins per fuainas e pignas, auariels, plinavant balestreras stretgas cun artgs a piz. En ina nischa per seser al terz plaun chatt'ins dissegns engravads dal temp enturn il 1300. Il chastè è vegnì erigì prob. vers la fin dal 13. tsch. ed è attestà per l'emprima giada il 1345. El è vegnì fundà prob. dals signurs Tumb von N. (Vorarlberg). Suenter div. midadas da maun è Rudolf von Rappenstein, numnà Mötteli, daventà ses possessur il 1450. La N. è vegnida vendida il 1496 a la diocesa da Cuira, ed il 1577 èn il chastè ed il signuradi ids en possess da la vischnanca da Vaz Sut. Probablamain già en il 16. tsch. è il cumplex vegnì bandunà e laschà ir en ruina. Litteratura: Clavadetscher/Meyer, Burgenbuch, 313-15. Maria-Letizia Boscardin  Neu-Aspermont Neuburg, Volkard von  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: