Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Nonius [Nonn], Petrus JacobusNossadunnaun lemma sequent

Norantola
Ruina da chastè en la vischnanca da Cama. Grond cumplex cun in mir da tschinta, ina tur ed edifizis interns, situà sin la collina grippusa N. al nord da la vischnanca. Il mir da tschinta che circumdescha il plateau ha la furma d'in poligon irregular ed è in dals pli vegls elements dal chastè. Ils edifizis dal medem temp a l'intern dal chastè èn vegnids allontanads suenter pliras modificaziuns. L'imposanta tur principala, erigida sin il mir da tschinta pli vegl, datescha presumablamain anc dal 13. tschientaner. Locals d'abitar e da represchentaziun eran collocads en il tract nord, entant ch'il tract sid cumpigliava las stallas sper il portal. Il tract sid, che furmava prob. il palazi originar, cumpigliava ina galaria orientada vers la curt interna. N. è prob. vegnì erigì dad exponents da l'aristocrazia locala en l'emprima mesadad dal 13. tschientaner. In tschert ser Locarnus de N. è attestà il 1248. Cun Ugolinus de Sax da N. appartegneva il chastè il 1324 als signurs de Sax. Il 1480 - da quel temp già en decadenza - è el passà a Gian Giacomo Trivulzio ch'ha laschà reconstruir el. Il 1483 ha il cont Johann Peter de Sax incendià il chastè. Dapi alura è N. ina ruina.


Litteratura:
Clavadetscher/Meyer, Burgenbuch, 256-58.

Maria-Letizia Boscardin

lemma precedents Nonius [Nonn], Petrus JacobusNossadunnaun lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :