Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents ParitadsParpan, Ferdinand lemma sequent

Parpan
Anteriura vischnanca polit., cirq. Curvalda, distr. Plessur. Fusiunada ens. cun Malix il 2010 cun Curvalda. Vitg accumulà en la Val Curvalda. 1208 Partipan; rum. Parpaun, antiquà). 1623 ca. 220 abit.; 1850 92; 1900 62; 1950 89; 2000 263. Singul chat dal temp da bronz. La regiun a la ruta dal Pass dal Set, cuverta antruras da gronds guauds, è vegnida colonisada durant il temp autmedieval tras la claustra da Curvalda. Las emprimas culegnas a P. èn vegnidas fundadas da colonists rum. en il 13. tschientaner. Il 1275 cumparan ils baruns de Vaz sco possessurs dal domini da Strassberg, a partir dal 1338 ils Toggenburgs, Montforts e Matschs. Il 1436 è s'unì il cumin da Curvalda - che provegniva dal signuradi da Strassberg - ens. cun il vischinadi da P. a la LDD. Il 1649 è sa liberà P. dals dretgs signurils austriacs. La chaplutta da S. Peder appartegneva a Vaz. La baselgia da S. Anna è vegnida erigida enturn il 1500. La pravenda exista a P. dapi il 1517, quella ref. dapi il 1560. La germanisaziun è stada terminada a P. en il 16. tschientaner. Las funtaunas d'entrada tradiziunalas eran l'allevament da muvel, las minieras d'arom e d'argient (15.-19. tsch.), la vaschlaria (18. tsch.) ed il traffic da transit. Il stradun è vegnì construì dal 1824-40. A la fin dal 19. tsch. è s'etablì P. sco lieu da cura da stad. Runals da skis existan dapi il 1953. Il 2005 lavuravan 77% da las persunas cun activitad da gudogn a P. en il sectur terziar.


Litteratura:
Kdm GR 2, 254-62; Gem. GR, nr 116, 1982; R. Brugger, P., 1989.

Jürg Simonett

lemma precedents ParitadsParpan, Ferdinand lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: