Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents CruschCrusch, Pass da la lemma sequent

Crusch, Pass
Passadi en il Vnuost che s'extenda al nordost da Damal vers il Pass da Raisch, tud. Malser Heide. I sa tracta da la pli gronda sedimentaziun da bova da las Alps (1.5 mia. m³ sin 13 km²). Las culegnas las pli veglias èn vegnidas fundadas als urs protegids da la bova, nua ch'ins ha era construì las emprimas vias. Il clima extremamain sitg ed il vent permanent dal nord han rendì la cuntrada ordvart criva. Il terren vegn sauà (pli baud cun agid da dutgs, oz cun indrizs moderns) ed utilisà per la pasculaziun e la cultivaziun da seghel. Il toponim rum. C. sa referescha al tud. Langkreuz che furma il punct il pli aut dal pass, nua ch'i sa chattava gia il 1258 ina crusch da cunfin (anc oz existenta) tr. las vischnancas en la planira dals lais (dretgira da Danuder) e quellas da Barbusch e da Damal. 


Litteratura:
Rampold, Vinschgau, 53, 161.

Martin Bundi

lemma precedents CruschCrusch, Pass da la lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: