e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Apicultura Araschga  Aprica, Pass d' Pass a 1172 m che collia Tiraun en Vuclina cun Edolo en la Val Camonica (prov. da Brescha). Nums pli vegls utilisads per il pass: Montagna di Camuzone, Passo d'Edolo, Passo Aurigo.Il Pass d'A. fascheva part surtut en il 16. tsch. da l'axa nord-sid fermamain frequentada, cun ils pass principals dal Bernina e da l'Alvra. La vischnanca turistica d'A. sin il pass è sortida da la culegna da S. Pietro. Sper la baselgia da S. Pietro, fundada tenor la legenda da Carl il Grond, han existì en il temp medieval in ospizi ed ina susta. Sco puncts da partenza per il Pass d'A. èn doc. enturn il 1510 Stazzona/Vuclina (per il traffic vers il Bernina e da la val orasi) e S. Giachen, situà al sidvest da Tegl a l'Adda (per il traffic da la val oragiu). Dapi il 1512 furmava il pass il cunfin tr. las Trais Lias e la Republica da Vaniescha. Enturn il 1548 constituiva il Pass d'A. ina da las otg etappas dal servetsch postal, installada da la Frantscha sin la ruta dal Bernina. Tenor Johannes Guler von Wyneck era il Pass d'A. enturn il 1600 ina via imperiala, "die gemeinst, die sommer und winterszeit offen steht". Quella via da sauma era pauc transibla, o.t. al nord tras ils uschen. Zappelli (stretgas). Il 1855 ha l'inschigner G. Donegani construì, sin iniziativa da l'Austria, ina via charrabla.  Litteratura: M. Gianasso, Guida turistica della Valtellina, 1979. Martin Bundi  Apicultura Araschga  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: