Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Fuorn, Pass dalFurger, Franz lemma sequent

Furca, Pass dal
Pass a 2431 m che collia il Vallais Sura cun la Val d'Ursera e - sur l'Alpsu - cun la Surselva. Il num deriva dal pled lat. furca, rum. furtga. Il F. furmava a ses temp il cunfin occidental dal territori rumantsch. Il diever dal pass en temps preromans n'è betg cumprovà. En il temp rom. appartegneva el a la provinza Rezia. En il temp medieval colliava la regiun dal F. quatter diocesas, numnadamain quellas da Milaun, Sion, Constanza e Cuira. A la fin dal 12. tsch. èn arrivads colonists gualsers sur il F. en la Val d'Ursera nua ch'ins discurriva da quel temp rumantsch. Fin a l'entsch. dal 15. tsch. han las regiuns dal F. tgirà stretgas relaziuns cun l'abazia da Mustér. Il commerzi sur il F. era impurtant per la Svizra Centrala, o.t. en temps da guerras e miserias. Il 1926 è vegnida inaugurada la Viafier Furca-Alpsu che circulescha dapi il 1982 tras il tunnel da basa (cun transport d'autos) tranter Oberwald/VS e Realp/UR.


Litteratura:
F. Kreuzer, Geschichte des Landes um die Furka mit Beschreibung des Furkabasistunnels Oberwald-Realp, 1982; I. Müller, Geschichte von Ursern, 1984.

Adolf Collenberg

lemma precedents Fuorn, Pass dalFurger, Franz lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: