Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents PassiunsPasturs lemma sequent

Passugg
Funtaunas termalas e chasa da cura sin territori da la vischnanca da Curvalda. 1488 Basuk. Il 1562 ha rapportà Conrad Gessner d'ina funtauna ascha. A quest rapport suondan ulteriuras singulas menziuns. A partir dal 1863 han ins rescuvert successivamain tschintg funtaunas. Il 1863 è vegnida averta l'emprima bavetta en la chavorgia da la Rabiusa, il 1883 l'emprima chasa da cura al Mühlerain. En ils emprims rapports vegnan las funtaunas termalas numnadas "auas d'Araschga", tenor la culegna a la cruschada da las vischnancas da Cuira, Malix e Curvalda. Il num P., che deriva d'in bain en il conturn da l'enchaschament da las funtaunas, vegn utilisà dapi la fin dal 19. tschientaner. La Passugger Heilquellen AG, che producescha aua minerala, è ida il 1998 en possess da la Feldschlösschen-Hürlimann Holding AG ch'ha vendì l'onn 2000 sia fatschenta da bavrondas a la bieraria danesa Carlsberg. La chasa da cura serva d'hotel da scolaziun a la Scola d'hotellaria e da turissem a Cuira.


Litteratura:
P. Fravi, Die Passugger Heilquellen, en: BJb, 1978, 132-37.

Jürg Simonett

lemma precedents PassiunsPasturs lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: