e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Clus
Stretga tr. Landquart e Crusch en Partenz a l'entrada en il Partenz, furmada da la Landquart ch'è sa fatga via tr. autas paraids-crap. Fin en il temp autmedieval eri apparentamain difficil da traversar la C. Tenor doc. istorics sviav'ins la chavorgia sur vias da sauma che manavan da Malans sur Fadera a Sievgia resp. dad Eigias, Zezras e Termin sur div. sellas a Valzeina. Il num C. deriva dal lat. clausum, rum. claus, serragl, e cumpara savens en il Grischun sco toponim en il senn da stretga u da serra. Il chastè da Fracstein da la vart dretga e restanzas d'ina fortezza da la vart sanestra da la C. dattan perditga da l'impurtanza strategica da questa stretga. Ils 28-10-1624, durant ils Scumbigls grischuns, aveva Rudolf von Salis, general da las Trais Lias, occupà cun truppas militaras l'entrada en il Partenz. Construcziun da tunnels tras la C. per manadiras 1842 e per la VR 1889.
Litteratura:
Bundi, Besiedlung.
Martin Bundi
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Clugén