Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Russ, JakobRüthers [-Seeli], Tresa lemma sequent

Russein, Pez
Muntogna marcanta (3614 m) al cunfin tr. ils chantuns Grischun (Mustér) e Glaruna (Linthal), grip cumpact, levamain smuttà, en furma da piramida, tud. Tödi. 1706 Tödiberg. L'emprima ascensiun dal P. è succedida il 1-9-1824: ils dus chatschaders da chamutschs Placi Curschellas da Trun ed Augustin Biscuolm da Mustér han ascendì la muntogna, intimads da Pader Placi a Spescha, sin la ruta Val R. - glatscher da Bleisasverdas - paraid sidvest. Il 1861 ha Rudolf Theodor Simmler da Berna ascendì il Pez R. e sviluppà silsuenter l'idea d'ina associaziun dals amis da las muntognas; il 1863 ha el alura fundà il CAS. La chamona Grünhorn da la secziun Tödi dal CAS (2448 m) è vegnida erigida il 1863 sco emprima chamona dal CAS insumma. 


Litteratura:
R. Bühler, Geschichte der touristischen Erschliessung des Tödimassivs und der Clariden- und Bifertenstockkette, 1937; W. Luchsinger, Die Tödigruppe, en: Neujahrsbote für das Glarner Hinterland, 1967, 27–32; Tödi, edì dad E. Zopfi, 2000.

Martin Bundi

lemma precedents Russ, JakobRüthers [-Seeli], Tresa lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :